Një shpërthim i një sasie të vogël tritoli ka ndodhur gjatë natës në Kamëz, në lagjen Kosova. Si pasojë ka patur vetëm dëme materiale në derën e banesës së shtetasit Gjergji Kola. Dyshimet e para janë për ndonjë konflikt që kryefamiljari mund të ketë patur më herët.
“Më datë 19.08.2019, rreth orës 22:14, në rrugën “Mujo Ulqinaku”, në Kamëz, në oborrin afër derës së banesës së shtetasit Gj. K, ka shpërthyer një sasi e vogël lënde e dyshuar plasëse, duke shkaktuar dëme të vogla materiale.
Në momentin e shpërthimit në banesë nuk ka patur njeri.
Pas veprimeve të para hetimore Policia ka identifikuar autorin e dyshuar dhe po punon per kapjen e tij. Per arsye hetimore nuk bëhen me dije të dhënat e tij.
Në bashkëpunim me Prokurorinë po vijon puna hetimore për sqarimin e rrethanave të ngjarjes.”- njofton policia.
