Një vrasje me armë zjarri ka ndodhur pak minuta më parë në Shkodër. Vrasja ka ndodhur në zonën e thellë të Malësisë së Shoshit në territorin e Qarkut të Shkodrës.
Faxweb ka mësuar se viktima është Lazër (Arraj) Pjetrushi, ndërkohë që policia është nisur drejt vendit të ngjarjes.
Bëhet e ditur se viktima është gjetur i pajetë në rrugë, i qëlluar me armë zjarri. Raportohet se Pjterushi ka qenë duke ardhur në Shkodër, pasi vendbanim ka qytetin e Shkodrës. Ai është gjetur në rrugë i vdekur nga dy nipat e tij.
“Me datë 21.10.2019, rreth orës 12:00, në fshatin Shosh, Shkodër, dyshohet se është vrarë me armë zjarri shtetasi L. A. 55 vjeç, banues në fshatin Palaj, Shosh, Shkodër.
Shërbimet e policisë dhe grupi hetimor kanë shkuar në vendngjarje dhe po punohet për sqarimin e rrethanave të ngjarjes, identifikimin e kapjen e autorit.”- njofton policia.
(M.Q/Faxweb.al)
