Mariglen Hoxha është ish-efektivi i policisë që është shpallur në kërkim për grabitjen e ndodhur në 9 Prill në Rinas.
Ai dyshohet se ka qenë pjesë e grabitjes së bashku me Admir Muratajn dhe Olsjan Veselin, të cilët janë identifikuar derimë tani.
Nga ana tjetër disa persona të tjerë janë shpallur në kërkim, mes tyre dhe Klement Çala, i cili akuzohet edhe për grabitje të mëparshme në Rinas.
I pari që doli para gjykatës sot ishte Alkond Bengasi, i cili pranoi që të jetë bashkëpunëtor i drejtësisë, duke treguar mënyrën sesi funksiononte grupi kriminal. (Lexo edhe ketu)
Tre të arrestuarit e tjerë do njihen me masën e sigurisë ditën e nesërme, ndërkohë që përpara se t’u priteshin fletet e arrestit, ata janë mbajtur te shoqëruar për dy ditë rresht në polici.
Prokuroria dyshon se i kërkuari Eldi Çela, vëllai i Klement Çalës kishte marrë me qera një servis në qytetin e Elbasanit, në të cilin ishte modifikuar furgoni që hyri në aeroport.
I dyshuari tjetër Oltion Veseli është kushëriri i Ernest Kupës, i dënuar nga gjykata për grabitjen e armatosur të blindave përgjatë aksit Tiranë-Rinas, edhe dy të rinjtë e tjerë njihen si krahu i Klement Çalës, njeriut që po sfidon autoritetet e gjithashtu njeriut të shumë kërkuar edhe nga Greqia, pas arratisjes se bashku me 7 shqiptarë të tjerë mes të cilëve ishte edhe Admir Murataj.
(E.K/FAXWEB.AL)
Discussion about this post