EMRI/ Mbytet i riu në lumin Mat, ishte duke peshkuar në vendin e quajtur ‘Ura e Zogut’

Një person është mbytur në vendin e quajtur ‘Ura e Zogut’ mbi lumin Mat.

Salla Operative e Policisë Lezhë, bënë me dije se ngjarja ka ndodhru në  vendin e quajtur “Ura e Zogut”, mbi lumin Mat. Në vendngjarje janë shërbimet policore. Është e nevojshme ndihma e Polumbarëve, për nxjerrje e viktimës.

Viktima është një djalë 22-vjeçar, i identifikuar si Valentin Nikolli, me banim në Milot, njësia administrative Milot, bashkia Kurbin. Nga ana e policisë janë lajmëruar polumbarët, të cilët na thanë janë nisë për të ardhë nga Tirana.
Në vendngjarje ishin Forcat e Komisarjatit të Policisë Lezhë. Në vendin e mbytjes niveli i ujit ishte lartë dhe i turbullt.

Njoftimi i Policisë: 

Lezhë/Informacion paraprak

Në lumin Mat, në territorin e njësisë administrative Zejmen, në vendin e quajtur “Ura me harqe”, shtetasi V. N., 22 vjeç, banues në Milot, dyshohet se gjatë peshkimit me shokët e tij, aksidentalisht ka rënë në lumë dhe e ka marrë rrjedha.

Në vendngjarje kanë shkuar shërbimet e Policisë dhe skuadra e polumbarëve e Repartit Special RENEA, të cilët kanë filluar kërkimet për gjetjen e 22-vjeçarit.

Grupi hetimor, në drejtimin e Prokurorisë, po pyesin në cilësinë e personave që kanë dijeni për rrethanat e ngjarjes, shokët e shtetasit V. N. që kanë qenë bashkë me të, me qëllim sqarimin e plotë të ngjarjes.