Pas ngjarjes së rëndë ku një 12-vjeçar u mbyt në Liqenin e Farkës, në vendngjarje kanë mbërritur polumbarët të cilët kanë gjetur trupin e pajetë dhe e kanë nxjerrë.
12-vjeçari ishte futur për tu larë. Dy prej shokëve që denoncuan mbytjen e tij janë shoqëruar në polici. Vendi ku është mbytur është pranë tubacioneve të daljes së ujit. Identiteti i 12-vjeçarit është Daniel D, banues në Shkozë.
Informacion paraprak i policisë
Më datë 05.06.2018, rreth orës 14:25, jemi njoftuar se tek Diga e Liqenit në Farkë, Tiranë është mbytur një fëmijë i mitur.
Paraprakisht dyshohet që fëmija i mitur i moshës rreth 12 vjeç, të ketë qënë duke luajtur së bashku me fëmijë të tjerë në zonën e liqenit dhe është mbytur aksidentalisht. Në vendngjarje kanë shkuar shërbimet e policisë si dhe janë njoftuar Polumbarët e Reneas.
(B.H/Faxweb)
Discussion about this post