“Ai e bëri emrin e tij në internet duke krijuar një faqe të famshme në Facebook për të ndihmuar shokët e tij të vidhnin ilegalisht në Britani të Madhe. Por pasi u dërgua në burg për akuzat për droge, shqiptari Fari Lleshi vazhdon te jete aktiv ne rrjetet sociale per jeten e tij ne qeline e burgut”, kështu e nis shkrimin britanikja ‘Daily Mail’ për një reper shqiptar, Fari Lleshi i cili nga pamjet shihet duke konsumuar marijuanë.
Mbështetësit e tij i dërgojnë mesazhe adhuruese teksa ai shfaqet live, shpesh duke bërë edhe thirrje që të lirohet.
Fari Lleshi, 29-vjeç, megjithëse nuk është shumë i njohur në botën e muzikës mediat britanike i referohen si reper.
Ai i njohur me pseudonimin ‘2Gunz’, vuan dënimin në një burg të Britanisë, i denuar me tre vite burg për trafik droge.
Ai poston video duke pirë hashash në qeli dhe duke kënduar. Fari Lleshi, djali nga Kukësi e ka nisur rrugëtimin e tij në Itali nga ku është dëbuar pasi grabiti një bankë dhe u dënua me 6 vite burg.
Lleshi është në të njëjtin burg nga ku në vitin 2016 të tjerë shqiptarë kanë postuar foto duke pirë alkool dhe drogë.
Kuksiani gjithashtu ka një faqe në Facebook në të cilën ai ka postuar një selfie nga qelia e burgut, me trupin e zhveshur, por te mbuluar me tatuazhe, perfshire edhe nje shqiponjë me dy koka te flamurit shqiptar.
Mashtrimet e tij në internet pasqyrojnë përdorimin në rritje të mediave sociale në burgjet e Mbretërisë së Bashkuar. Të burgosurit që shkojnë në internet mund të përballen me dy vjet shtesë pas hekurave.
Një zëdhënës i Shërbimit të Burgjeve tha: “Kjo sjellje është krejtësisht e papranueshme dhe vepruam shpejt për të hequr përmbajtjen nga mediat sociale”.
Instagram nuk pranoi të komentojë. Google, e cila zotëron YouTube, tha se duhet të ketë një njoftim ligjor nga autoritetet e burgut për të bllokuar videot e filmuara brenda burgjeve në Mbretërinë e Bashkuar.
Lleshi, i cili hyri në Britani në pjesën e prapme të një kamioni, e filmoi veten duke u lëvduar.
Ithtarët e tij pasojnë mesazhe adhuruese duke bërë thirrje që ai të lirohet – shumë prej të cilave ai u përgjigjet.
Më shqetësuese, Lleshi, i cili përdor pseudonimin 2gunz, gjithashtu kërcënon viktimat e tij jashtë, duke postuar imazhe të vetes duke bërë një gjest pistoletë me duart e tij dhe duke thënë ‘bang bang’.
Të dhënat zyrtare tregojnë se rastet e të burgosurve të kapur duke përdorur mediat sociale prapa hekurave janë katërfishuar.
Të burgosurit përdorin telefona për të sfiduar viktimat dhe për të drejtuar një treg droge illegal e tjerë.
(B.H/Faxweb)
http://www.dailymail.co.uk/news/article-5719657/Albanian-robber-dubbed-2gunz-films-smoking-drugs-rapping-UK-jail.html?ito=embedded
Discussion about this post