Policia Kufitare ka bërë të mundur ndalimin e një shtetasi i cili transportonte lëndë narkotike, të llojit marijuanë. Mjeti i tipit “Mitcubish” me targa AA031VJ është në pronësi të shtetasit Arsen Hoxha i cili po kalonte në Qafë-Botë teksa u pikas nga policia e Sarandës.
40 vjeçari po udhëtonte nga Cakrani i Fierit për në Greqi së bashku me bashkëshorten e tij teksa policia ka ndaluar mjetin i cili iu është nënshtruar kontrolleve të mëtejshme. Gjatë verifikimeve në mjet janë gjendur mbi 70 kg sasi droge e llojit cannabis duke bërë që Hoxha të arrestohej për trafikim lëndësh narkotike.
Shtetasi Hoxha nuk është i panjohur për policinë pasi në vitin 2014 ka qënë i arrestuar për trafik klandestinesh në Sarandë.
Mjeti i tij po i nënshtrohet kontrollit nga policia kufitare e Sarandës, ndërkohë që detaje të reja në lidhje me ngjarjen pritet të bëhen publike në orët në vijim.
Discussion about this post