Pasi kryeministri i Kosovës, Ramush Haradinajn tha sot në Kuvendin e Kosovës se vota e tij është kundër demarkacionit. Kryeministri i Malit të Zi, Dushko Markoviq i ka dhënë një porosi për homologun e tij kosovar.
Ai kërkon Haradinajt që të të jetë më i përgjegjshëm në raport me këtë proces.
“Unë dua të porosis qeverinë e Kosovës,kryeministrin e ri që të jenë të përgjegjshëm ndaj kësaj çështjeje, sidomos të jenë të përgjegjshëm ndaj Malit të Zi si shtet mik i cili e ka mbështetur Kosovën e i ka mirëkuptuar rrethanat atje. Mali i Zi ka kryer punën e vet sa i përket demarkacionit, ka thënë Markoviq.
“Çështja e ratifikimit të marrëveshjes është në kompetencë te institucioneve të Kosovës, shpresoj që rreth saj të sillen me përgjegjësi dhe të jenë azhur. I kuptoj rrethanat në Kosovë por Podgorica ka bërë të gjithën që është pjesë e saj dhe se për këtë çështje më nuk do të bisedohet qoftë edhe për një centimetër”, ka shtuar Markoviq.
(S.SH/Shuplaka)
