Policia italiane ka arrestuar një 25- vjeçar shqiptar pasi ishte arratisur 10 muaj më parë nga burgu. Bëhet fjalë për 25-vjeçarin Mariglen Cybi i cili ishte arratisur në gusht të vitit 2017 nga spitali I burgut pasi kishte sulmuar policët që e ruanin.
Mbi shqiptarin rëndojnë akuzat për vjedhje dhe grabitje. Edhe në momentin e arrestimit ai është përpjekur sërish t’i shpëtojë policisë por nuk ia ka arritur qëllimit.
Ka qenë një patrullë e policisë në Tuscia, Itali që e ka zbuluar dje 25-vjeçarin shqiptar. Ai ishte duke udhëtuar me një makinë tip “Benz” që e kishte grabitur. (B.H/Faxweb)
