Detaje të reja janë zbuluar në lidhje me ngjarjen e rëndë në Tiranë ku një person mbeti i vdekur, ndërsa një tjetër i plagosur.
Burime bënë me dije për ‘Fax News’ se viktima është Emiliano Boçi i cili u gjend i plagosur në makinë së bashku me një person tjetër me iniciale M.D, 27 vjeç.
‘Fax News’ raporton se Emiliano Boçi rezulton të jetë një person me precedent penal pasi në 2010 i është bërë atentat, por edhe kishte tentuar ti bënte një atentat një personi së bashku me një mik të tijin. Policia po heton në pistën e një konflikti të mundshëm.
Emiliano boçi kishte vuajtur dënim me burg për shkak të një plagosjeje.
27-vjeçari i cili u gjend në makinë së bashku me Boçin ndodhet jashtë rrezikut për jetën, ndërsa ky i fundit ndërroi jetë rrugës për në spital.
Dyshohet se dy shokët janë qëlluar me selenciator pasi kanë dalë nga një restorant ku kanë darkuar së bashku.
Njoftimi i policisë
Më datë 14.01.2018, rreth orës 17.50, në Sallën Operative ka ardhur një telefonatë se në rrugën “Shefqet Musaraj”, një shtetas ndodhet i demtuar në një automjet.
Menjeherë në vendgjarje kanë mbërritur shërbimet e Policisë dhe Ambulanca ku nga veprimet paraprake ka rezultuar se:
Në rrugën “Shefqet Musaraj”, në një mjet është gjetur i plagosur me armë zjarri shtetasi E.B., 32 vjeç, i cili u dërguar menjëherë në spital, ku ka ndërruar jetë.
Ndërkohë në spital ka shkuar i dëmtuar me armë zjarri në shpatull edhe shtetasi M.D., 27 vjeç, i cili ndodhet jashtë rrezikut për jetën.
Në vendngjarje ndodhen shërbimet e policisë ku po punohet për sqarimin e plotë të rrethanave të ngjarjes dhe identifikimin dhe kapjen e autorit/ve
(B.H/Faxweb)
Discussion about this post