Emri X Æ A-12 nuk lejohet në certifikatë lindjeje për arsye ligjore. Si do të quhet tani djali i Elon Musk

Emri i çuditshëm i djalit të Elon Musk nuk do të lejohet në certifikatën e lindjes, sipas raporteve. Sipas TMZ, çiftit nuk lejohet ligjërisht të vendosin X Æ A-12 në certifikatën e lindjes, pavarësisht se mund ta thërrasin si të duan fëmijën.

Kjo për arsye se është e paligjshme të përfshihen simbole dhe numra në emër, në çertifikatat e lindjes në shtetin e Kalifornisë. Ligji thotë që vetëm shkronjat e alfabetit mund të paraqiten në dokumentacionin zyrtar, që do të thotë se emri X Æ A-12 nuk lejohet.

Nuk dihet se si mund të shqiptohet ky emër, por një fans kishte shkruar “X Ash Archangel” dhe Elon duket se e konfirmoi atë duke e pëlqyer tweet-in.