EMRI+FOTO/ I djegin makinën biznesmenit në Lezhë, rrezikohet dhe kampingu

Një automjet tip ML është djegur gjatë orëve të natës së kaluar në Lezhë, në rrugën që të çon në Shëngjin.

Burimet bëjnë me dije për Faxweb se makina i përket një biznesmenit Arben Fusha, Ende nuk dihen shkaqet e djegies së automjetit. Makina ka qenë e parkuar në ambjentet e biznesit, ku edhe biznesmeni jeton aty.

Sipas gazetarit Martin Marku flakët e zjarrit kanë rrezikuar dhe kampingun në pronësi të biznesmenit Fusha. Makina është shkrumbuar totalisht.

Policia dhe Grupi hetimor në vendgjarje, po punojnë per zbardhjen e shkaqeve të djegies së mjetit.

Rreth e qark biznesit ka kamera sigurie të cilat po merren në shqyrtim nga ana e Policisë.

Burime bëjnë me dije se Fusha ka mbetur i plagosur në një ngjarje të 2008-tës, e cila ka mbetur ende e pazbardhur.

(E.K/FAXWEB.AL)