Emri+foto/ Plotësohet ‘puzzle’, kush është personi tjetër që akuzohet për grabitjen në Rinas

Aleks Pepa, është i dyshuari i tretë që po kërkon Policia për grabitjen në Rinas, që ndodhi në datën 9 Prill.

Burime nga grupi hetimor, bëjnë me dije se pas Klement Çalës, në kërkim është edhe Aleks Pepa, i cili gjithashtu mendohet se ka marrë pjesë në grabitjen e 10 ditëve më parë brenda në Aeroportin e Rinasit.

Aleks Pepa ka kryer edhe grabitjen e parë që ndodhi në Rinas, në 30 qershor të 2016-së, ku një makinë benz u fut dhe mori një shumë rreth 1 milionë euro.

Aleks Pepa, është një person që ka punuar si emigrant në Greqi, por në vitin 2015 është kthyer në Shqipëri, dyshohet nga prokuroria të jetë personi kryesor i grabitjës së gati 1 milion eurove në aeroportin e Rinasit.

Arrestimi i tij nuk u bë asnjëherë i mundur, dhe në sajë të bashkëpunimit me Muratajn dhe Çaljan ai arriti të bënte goditjen e disa ditëve më parë.

(E.K/FAXWEB.AL)