Eneda Tarifa është një këngëtare shumë e dashur për publikun shqiptar. Së fundmi ajo ka deklaruar se do t’i përkushtohet tërësisht muzikës, pasionit të saj më të madh që e ndjek që prej fëmijërisë së saj.
Faqja “Seen.al” në Instagram ka publikuar një video të këngëtares vite më parë, kur ajo ishte në fillim të karrierës së saj si artiste. Videoja tregon një moment gjatë hedhjes së shorteut të këngëve që do të interpretoheshin në Festivalin e Këngës. Eneda ka zgjedhur ta ndajë në faqen e saj të Instagram-it këtë video të shkëputur nga Festivali i 39-të i Këngës në Radio Televizonit Shqiptar. Sipas saj ky xhirim është një surprizë shumë e bukur për të.
“Ky xhirim ishte një surprizë shumë e bukur për mua. Festivali i 39-të në RTSH, 16 vjet më parë. Për këngëtarët është një moment i veçantë shorteu i radhës kur do të duhet të këndosh në Festival. Se dihet që këngët e para ishin sa për t’u ngrohur, sa për të rregulluar parametrat e dëgjimit. Vëmendja përqendrohet në fund. Në fakt mua më priu mbarë ky numër. Në video vihen re Adi Hila, drejtor i Festivalit atë vit dhe Martin Leka”, shkruan këngëtarja bashkangjitur videos. (J.V/Shuplaka)
