Eni Çobani prej pak ditësh ka festuar 20-vjetorin e martesës me bashkëshortin e saj Avenir Shehun.
E ftuar në emisionin e pasdites “Rudina”, juristja foli për herë të parë për dasmën dhe na ktheu 20 vite pas. Çobani kishte sjellë edhe disa foto dhe video me pamje nga dita e saj më e lumtur.
“Deri të enjten unë nuk kisha fustan sepse më rrinin të shkurtra. Më pas fustanet erdhën nga Italia dhe do doja t’i kisha ruajtur, por vendi ku i mora nuk i jepte. Kemi pasur disa netë dasme. Të premten kam bërë darkën që të ç’lodhesha të shtunën. Të dielën pastaj ishte dita e lotëve kur largohesh nga familja. Kam qarë shumë.
Dasma u bë në janar dhe të gjithë mendonin se isha shtatzënë, por jo. Ne menduam ta bëjmë në janar sepse nuk e pamë si veçanti bërjen e dasmës në verë,”- tregoi juristja.
Eni Cobani u shpreh se këto kujtime i kishte ruajtur me fanatizëm.
Më tej ajo foli për vështirësitë që kishte hasur atë ditë pasi ishte shumë ftohtë.
“Gjatë gjithë natës mbajta ngrohëse tek këmbët,”- tha Çobani.
(F.M/Faxweb)
