Juristja Eni Çobani ka zbuluar sot disa “sekrete” të jetës së saj familjare.
E ftuar në emisionin “Rudina” në televizionin Klan, ajo ka treguar se bashkëshortit të saj nuk i pëlqen të ekspozohet në publik.
Sipas të shoqit, mjafton një njeri publik në familje.
“Aveniri është një natyrë e qetë, nuk i pëlqen publiciteti. Nuk dëshiron të jetë shumë i publikuar. Mjafton një për familje, thotë. Normalisht, unë them që kryesorja e suksesit tim është qetësia e tij. Ai e ka përcjellë gjithmonë me shumë qetësi profilin tim publik, sepse nuk është e lehtë. Por gjithmonë kur trokas në shtëpi dhe futem, jam e qetë. Qetësia që më falin ata është frymëzimi i ditës sime të nesërme.”
Pas kësaj, juristja e falenderon të shoqin publikisht për qetësinë, tolerancën dhe mirëkuptimin për profesionin e saj.
Sipas Enit, vetëm një njeri si Aveniri mund ta pranonte atë si bashkëshorte. (D.D/Shuplaka)
