Kryetarja e LSI-së Monika Kryemadhi dhe gazetari Eni Shehu kanë dashur të shkrepin një “selfie” për të kujtuar se sot pasdite do të jenë në një intervistë ekskluzive nga Jala po duket se Olti Currit nuk i është “ndenjur rehat”.
Ka dashur dhe ai të jetë pjesë e këtij momenti. E kështu fotoja nga dy protagonistë ka pasur tre.
Intervista me kryetaren e LSI do të transmetohet nga ora 19 e 10 në “Abc news” dhe gazetari Eni Shehu tregon për “Shuplakën” se do të ketë mjaft surpriza.
Duke ditur natyrën e Kryemadhit gjithçka është e pritshme. Jo pak herë drejtuesja e LSI-së në ndryshim nga shumë politikanë të tjerë ka ditur të flasë troç dhe pa dorashka.
Kjo do të jetë dhe intervista e parë e Kryemadhit si kryetare e LSI-së pas zgjedhjes së saj në këtë post rreth dy javë më parë.
Po ashtu “Shuplaka” mëson se Kryemadhi do të flasë dhe për marrëdhënien e re që LSI-ja do të ketë me opozitarë të tjerë siç është PD, por dhe për garën mes Bashës dhe Selamit për kreun e Partisë.
Kryemadhi tregon se ajo nuk do ta “pranojë” titullin zonjë e parë dhe se LSI-ja do të dijë të bëjë opozitën që vendit i duhet.
Kujtojmë se prej dy ditësh në kampingun e Jalës organizuar nga LRI në bashkëpunim me të rinjtë e internacionales socialiste, kanë ardhur në vendin tonë qindra të rinj nga shumë vende të botës.
Pjesëmarrësit e këtij kampingu vijnë nga vende si: Argjentina, Armenia, Austria , Bjellorusia, Belgjika, Bullgaria, Kili, Kolumbia, Kroacia, Republika Çeke, Kongo, Republika Domenikane, Finalnda, Franca, Gjeorgjia, Gjermania, Greqia, Hollanda, Zelanda e Re, Norvegjia, Palestina, Filipinet, Portugalia, Spanja, Suedia, Zvicra, Çadi, Uganda, Ukraina, Urugaj , SHBA, Venezuela, Hungaria, Idnia, Irlanda, Italia, Libani, Mexico dhe Nepali. (E.K/SHUPLAKA)
Discussion about this post