Mesa duket në Partinë Demokratike do të duhet ti bëjnë sërish llogaritë në lidhje me listat e kandidatëve për deputetë. Që në ditët e para janë shfaqur mjaft kandidatë të pakënaqur.
Vetëm sot ka pasur tre kandidatë të larguar nga gara, Guri në Berat, Himci në Elbasan dhe Çobaj në Shkodër.
Ndërsa burime për ‘’Shuplakën’’ thonë se edhe kandidati i tretë në listën për beratin, Lefter Maliqi pritet të tërhiqet nga gara.
Qarku i Beratit kujtojmë se ka 7 mandate për deputetë dhe vendi i tretë duke marrë parasysh fuqinë e PS-së dhe LSI-së në këtë qark mbetet shumë i pasigurt.
Kujtojmë se listën e Beratit për PD-në e udhëheq Eduart Halimi, i ndjekur nga Astrit Veliaj.
Listën e PS-së në këtë qark e kryeson Blendi Klosi, ndërsa për LSI-në i pari i listës është ish-ministri i Drejtësisë Nasip Naço. Nga ana tjetër për një mandat deputeti në këtë qark ka pretendime dhe PDIU-ja e Shpëtim Idrizit.
(E.K/SHUPLAKA)
Discussion about this post