Mjekja pediatre Eugena Tomini në një prononcim për Fax News, në lidhje me epideminë e Fruthit vendin tonë ka thënë se nëse nëna shtatzënë vaksionhet, fëmija është i mbrojtur deri në moshën 6-muajshe.
Tomini është shprehur se mbrojtja e popullatës në vitet e fundit nuk ka qenë në nivelin e duhur.
“Fillesa e aplikimit të parë të dozës së fruth-rubeol-parotitit është në moshën 12 muajsh. Por duke vlerësuar shkallën e shpërthimit epidemik, komitetit i vaksinimit është mbledhur dhe ka bërë sygjerimet e tij nëse ky vaksinim duhet të zgjerohet në komunitet. Deri në këtë moment e kemi në komunitete, çerdhe e kopshte por e kemi të lokalizuar vetëm mes grupmoshave, kontakteve nëns, babait, apo kontakte të fëmijëve me njëri-tjetrin. Rrjedhimisht nëse do ta kishim më të zgjeruar këtë shpërthim epidemik, sipas sygjerimeve të komunitetit, do të ulim moshën e aplikimit të vaksinës fruth-rubeolë, në moshën 9 muajsh. Do të jetë një dozë fillestare zero dhe pastaj do të vazhdojmë me dozën sipas kalendarit kombëtar të vaksinimit.” – tha mjekja Tomini.
Pyetjes së gazetares për shqetësimin e grupeve të ndryshme shoqërore mbi dëmet e supozuara të vaksinës për shkak të përmbajtjeve të larta të mërkurit apo shkaktimin e autizmit tek fëmijët, mjekja i është përgjigjur se disa sëmundje që kanë rezultuar fatale mund të ishin parandaluar shumë mirë përmes vaksinimit.
“Reaksionet pas vaksinës janë minimale dhe pa asnjë pasojë për organizmin. Atëherë pse duhet të kundërshtohet procesi i vaksinimit?”
(E.L/Faxweb)
