Epike/ ”Mos na e lini vendin në zi”, gazetari ndërhyn në ‘punët e brendshme’ të Amerikës

Gazetari Ylli Dylgjeri përmes një reagimi në rrjetet sociale ka ironizuar me Ambasadën e SHBA-ve në vendin tonë, që iu kërkon kandidatëve që të hyjnë në zgjedhjet lokale të 30 Qershorit.

Për kundërpërgjigje, Dylgjeri bën thirrje që të shtohen aplikimet sa më parë për ambasador të SHBA-ve në vendin tonë, një pozicion që qëndron bosh prej disa muajsh.

”Për reciprocitet diplomatik, edhe Unë, po i bëj thirrje sot Departamentin e Shtetit, që të “nxisë 
këdo që mendon për të ardhur Ambasador në Shqipëri, vetëm vëndin tonë mos e lerë në zi””, shkruan gazetari mes të tjerave në reagimin e tij.

Reagimi i Dylgjerit:

Nxis këdo që të regjistrohet për Ambasador i SHBA në Tiranë

Në Shqipëri, ambasada amerikane tha dje se ajo “nxit këdo që mendon të kandidojë që të regjistrohet në zgjedhjet vendore të 30 qershorit”…

Me këtë deklaratë po na kujton se u mbush më shumë se një vit që gjithë ajo SHBA, shëmbull i përzgjedhjes dhe promovimit të diplomatit, dhe ende nuk ka zgjedhur Ambasadorin e Saj në Shqipëri!!! Paaftësi?

Për reciprocitet diplomatik, edhe Unë, po i bëj thirrje sot Departamentin e Shtetit, që të “nxisë 
këdo që mendon për të ardhur Ambasador në Shqipëri, vetëm vëndin tonë mos e lerë në zi”.

Ky quhet reciprocitet.

(E.K/FAXWEB.AL)