Avokatja e Popullit Erinda Ballanca ka mbërritur në spitalin e Traumës, ku ka kërkuar që të mësojë lidhur me gjendjen e Sait Dollapit, sekretar organizativ në PD.
Ballanca u shpreh se ka mandate kushtetues të hyjë dhe në burg, po nuk është lejuar që të shohë gjendjen e Dollapit.
“Kam mandat që të hyj kudo, le të dalë eprori që fshihet pas dere. Kam mandate kushtetues që të hyj kudo, qoftë në burg, qoftë në spital. Ajo që kemi parë është një nga pamjet më skandaloze, një njeri që rrihet kot”, u shpreh Ballanca.
Në spitalin e traumës ndodhet në këto momente dhe ish-deputeti democrat Bardh Spahia, i cili tha se roli i Dollapit gjatë të gjithë kohës ishte që të qetësonte situatën, dhe të mbante nën kontroll revoltën e qytetarëve.
I gjithë spitali është rrethuar me forca të shumta policore, ndërsa Dollapin nuk është lejuar që ta takojnë as familjarët e tij.
(E.K/FAXWEB.AL)
