Era e fortë që përfshiu qarkun e Lezhës pak ditë më parë ka sjellë mjaft pasoja në këtë zonë në dëme të shumta material.
Kështu era e fuqishme ka shkatërruar një kishe monumentale, afro 800-vjeçare. Kisha “Shën e Premte” e shpallur Monument Kulture, ndodhet në Balldren të Lezhës dhe është shkatërruar pothuajse krejtësisht.
Kisha e Shën e Premtes është ndërtuar mbi kodrën shkëmbore të një vendbanimi mesjetar. Burimet historike shënojnë në fshatin Balldre (balli i Drinit) që nga mesjeta me popullsi të ardhur nga Alpet e Veriut ( Kelmendit).
Ndërtimi i kishës tregon përkushtim dhe funksionin fetar të këtij komuniteti dhe më gjërë në luginën e poshtme të lumit Drin, ajo i përket tipit Gotik, më vonë kisha pati një restaurim i cili mendohet që është i vitit 1462 sipas mbishkrimit të vendosur në anën e jashtme të Apsidës ku shkruhet : “ Në vitin e Zotit 1462 kujto o ZOT sherbëtorët e tu, Perlatët së bashku me të gjithë miqtë e tyre”.
Arkitektura e kishës së Shën e Premtes e ka origjinën në shek. XIV-XV-të. Planimetria e saj është e thjeshtë, një nefëshe në formë drejtkëndore me aksin gjatësor të theksuar dhe e mbuluar me qemerë guri, prerja e të cilës është hark majë mprehtë. Me të njëjtin lloj harku janë edhe dyert e dritaret origjinale një pjesë e të cilave janë të murosura. Nga gërmimet e viteve 1985-86 në pjesën jugore të kishës janë evidentuar mure dhe një Apsidë, vazhdim i ekzistueses, duke përcaktuar në këtë mënyrë se forma planimetrike origjinale ka qënë e përbërë në dy Anijata dhe dy Apsida.
Discussion about this post