Këngëtarja Era Istrefi po bëhet gati që shumë shpejt të sjellë projektin e saj më të ri muzikor, pas suksesit të jashtëzakonshëm me hitin “Bonbon”.
Pak ditë më parë u përfol se dita e publikimit të këngës së Erës do të ishte 17 shkuri po ende nuk ka një konfirmim nga ana e këngëtares.
Sipas disa burimeve të IndeksOnline, projekti pasues i hitit “Bonbon” nga Era Istrefi do të jetë një këngë e zhanrit baladë, për të cilën është punuar në studion e Felix Snoë, një ndër producentët më të njohur botëror.
Ndërkaq regjizorja e këtij realizimi do të jetë Millicent Hailes. Vlen të përmendim faktin se me këtë të fundit kanë punuar fytyra të famshme si Chris Brown, Big Sean, Amber Rose, Chloe Lloyd e shumë të tjerë që janë vlerësuar edhe nga kritikët më të njohur në botë.
Discussion about this post