Pacientët zënë radhën që në orën 5-6 të mëngjesit për një vizite tek kardiologu. Kjo është situata tek poliklinika nr 10 mëngjesin e sotëm, tek zona e Oxhakut në kryeqytet.
Në këtë poliklinikë punon vetëm një kardiolog nga ora 8 deri ne 13:30, e ka të pamundur që të përballoj të gjithe fluksin, madje ka edhe pacient që nuk mbarojnë punë brenda ditës.
Situata është e tillë prej 1 viti, kohë edhe kur është larguar drejt Gjermanisë një tjetër kardiolog që punonte në këtë poliklinike.
Një pacientë që po pret në rradhë shprehet se ka ardhur deri në orën 6 të mëngjesit.
“Nuk kam hyrë akoma, jam e nënta në rradhë. Vijmë se ka njërëz shumë, vijnë 100 veta, nuk e përballon dot mjeku. Ka një vit kjo punë.”- tha ajo për gazetaren e Fax News Eksiola Shehu.
Ndërkohë një zonjë tjetëer tregon se se ka shumë njerëz në rradhë dhe se doktori që ka qenë ka ikur, dhe poliklinikaka mbetur vetëm me një mjek.
“Unë kam ardhur në 6 të mëngjesit, as porta nuk ishte hapur kur erdha. Isha të shtunën nuk kishte mjek. Erdha prapa sot. Jemi me rradhë sepse është vetëm një mjek, doktori që ka qenë ka ikur dhe kemi mbetur vetëm me një.”– u shpreh një tjetër paciente që po priste në rradhë.
(M.Q/Faxweb)
