Hasi është konfirmuar tashmë si një vatër e re e përhapjes së koronavirusit në vend. Ministria e Shëndetësisë njoftoi zyrtarisht se në rrethin e Hasit janë konfirmuar dy raste me COVID 19, burrë dhe grua.
Burime për Fax News bëjnë me dije se vajza e dy të infektuarve me koronavirus ka ardhur nga Italia para 10 ditësh dhe ka marrë pjesë në varrimin e gjyshes së saj nga ana e mamit.
Pas ceremonisë motore mësohet se vajza është larguar përsëri për në Itali dhe dyshohet se ajo mund të ketë infektuar prindërit e saj.
Burime bëjnë me dije se janë rrëzikuar edhe mjekët dhe infermierët e spitalit të Hasit dhe dy mjekë të spitalit të Kukësit, pasi për një javë rresh i kanë shërbyer të moshuarve.
Kujtojmë se ditën e sotme Ministria e Shëndetësisë ka njoftuar se numri i të prekurve më kornavirus në vendin tona ka arritur në 123 persona, ndërkohë që 5 persona kanë ndërruar jetë.
Sipas Eugena Tomini nga ISHP është zgjeruar dhe harta me qytetet e prekura, të cilës i janë shtuar dhe Hasi, Berati apo Lezha.
Sipas Tominit numri i personave të shëruar ka shkuar në dhjetë, pavarësisht se ata do të duhet të qendrojnë të vetëkarantinuar edhe për 10 ditë, në mënyrë që të shihet ecuria e tyre.
Ndërsa shpërndarja gjeografike e rasteve pozitive, është si vijon:
- Tiranë 72 qytetarë
• Durrës 8 qytetarë
• Lushnje 4 qytetarë
• Elbasan 2 qytetarë
• Fier 12 qytetarë
• Rrogozhinë 2 qytetarë
• Kavajë 4 qytetarë
• Korcë 9 qytetarë
• Vlorë 4 qytetarë
• Shkodër 2 qytetarë
• Lezhe 1 qytetarë
• Berat 1 qytetarë
• Has 2 qytetarë
(M.Q/FAXWEB.AL)
Discussion about this post