Moderatorja dhe gazetarja e emisionit “Pushteti”, Juela Meçani ka folur me lot në sy e zë të dridhur për ndarjen nga jeta të presidentit të Fax News, Kasem Hysenbelli si pasojë e koronavirusit.
Takimi i tyre nisi falë drejtorit ekzekutiv të televizionit, Petrit Beci dhe u shpreh se bisedat mes tyre ishin për vendin e origjinës dhe jo vetëm. Juela shprehet se në emisionin e saj të parë, Hysenbelliu ishte i pranishëm për ti uruar fat dhe mbarësi.
“Me zotin Hysenbelliu njihesha nga larg dhe nga afër u njohëm me rastin e idesë time për emisionin “Pushteti”. Ai ruhej shumë, meraku i tij ishin bashkëshortja dhe fëmijët, gjë që e gjej shumë rrallë tek bisedat me burrat. Biseda jonë binte shpesh tek fakti që ishte krenar për origjinën e tij nga Skrapari dhe të nënës së tij nga Përmeti.
Shpesh herë, binte biseda mbi kokëfortësinë pozitive që ne që vijmë nga ajo zonë, në fakt e kishte. Dhe Kasemi e kishte, pati një ide largapamëse që të hapte një dritare opozitare në sensin e vëzhgimit të çdo proteste popullore, ngjarjeje kudo që të ishte, me të gjitha mjetet e mënyrat, pa kompromis.
Nga mua nuk do kesh asnjë ndërhyrje, as nga të ftuarit, as nga tematika. Ai emision është i ideuar, i shkruar nga ty, ti ke vënë fytyrën tënde dhe si për mirë si për keq, do marrësh meritat dhe kostot e asaj që bën dhe për aq ishte nuk mora asnjë ndërhyrje përveç ngrohjes e fjalës pozitive. Në emisionin e parë erdhi vetë për të më uruar fat dhe mbarësi”, tha Meçani.
(A.M/Faxweb.al)
Discussion about this post