Presidenti turk Rexhep Taip Erdogan gjatë një takimi me mbështetësit e partisë së tij në provincën Rize të Detit të Zi, ka akuzuar Gjermaninë se po mbështet terrorizmin.
Ai tha se Gjermania nuk po ia dorëzon Turqisë terroristët, emrat e të cilëve, autoritetet turke ua kanë dërguar me dosje autoriteteve gjermane.
“kur gjermanët kërkojnë terroristët, Turqia ua dorëzon. Ndërsa ata nuk bëjnë të njëjtën gjë”.tha ai.
Turqia prej disa muajsh ka dorëzuar dosjet për të akuzuarit, autoriteteve gjermane. Por qeveria gjermane refuzon t’ia dorëzojë Turqisë personat e kërkuar, pasi pretendon se provat e paraqitura nga Turqia janë të pamjaftueshme.
Kujtojmë që marrëdhëniet mes Turqisë dhe Gjermanisë janë tensionuar së tepërmi, pas arrestimit në Stamboll të 10 aktivistëvve për të drejtat e njeriut, mes tyre edhe një gjerman me akuzën se përbëjnë kërcënim për sigurinë kombëtare. (S.SH/Shuplaka)
