Rexhep Tajip Erdogan, u betua ditën e sotme si presidenti i parë ekzekutiv i Turqisë.
Pas fitores së zgjedhjeve elektorale të muajit që lam pas, i lejon Erdoganit që të mbajë postin e tij, duke rritur kompetencat.
Ceremonia e emerimit të tij u mbajtë në Ankara, ku ishin pjesmarrës shumë lider botëror, duke përfshirë kryeministrin rus Dmitri Medvedev, presidentin e Venezuelës, Nicolas Maduro dhe Emirin Sheikh Tamim bin Hamad Al Thani.
Sipas sistemit të ri, 64-vjeçari Erdogan do të udhëheqë degën e ekzekutivit të shtetit dhe do të ketë të drejtën të emërojë dhe të heqë zëvendëskryetarët, një pozitë të sapo futur, si dhe ministrat, zyrtarët e nivelit të lartë dhe gjyqtarët e lartë, pa miratimin parlamentar .
Erdogan, i cili ka qenë në pushtet për më shumë se 15 vjet si kryeministër dhe president, ka theksuar vazhdimisht se një presidencë e fuqishme ekzekutive do të krijojë një mjedis të qëndrueshëm që do t’i lejojë vendit të marrë “hapa për të ardhmen në një mënyrë më të fortë”.
Partitë e opozitës, aleatët perëndimorë të Turqisë dhe kritikët e tjerë, megjithatë thonë se sistemi i jep presidentit fuqi të mëdha të reja pa kontrollet dhe balancat e nevojshme, duke e quajtur atë një “sundim i njeriut të plotfuqishmë”.
Erdogan, pas largimit nga parlamenti, tha para gazetarëve se “Çdo gjë ishte mirë para popullit. Shpresoj që edhe në të ardhmen do të jetë mirë”.
Më pas Erdogan u përcoll nga kryetari i përkohshëm i parlamentit Hakki Köylü me ceremoni zyrtare.
Qytetarët të cilët e prisnin në dalje të parlamentit, përshëndetën presidentin dhe mbushën automjetin e tij me karafilë.
(E.V/Faxweb.al)
