Edhe pse rezultatet perfundimtare të votimit në referendumin e së dielës nuk kane dalë ende, kryeministri turk Binali Jildirim mbajti një fjalim në ballkonin e selisë së partisë së tij, pas rezultateve paraprake, duke deklaruar se ka fituar alternativa që mbështet ndryshimet kushtetuese. “Ne jemi një komb, Turqia ka hapur një faqe të re në historinë e saj demokratike”, -tha ai.
Edhe Presidenti turk Rexhep Tajip Erdogan ka dalë në një deklaratë për mediat menjëherë pas numërimit të disa prej kutive të fundit që nuk mund ta ndryshonin rezultatin dhe tha se populli tregoi vullnet të lirë.
“Turqia ka marrë një vendim historik mbi sistemin e saj qeverisës,” u shpreh Erdogan, që falenderoi popullin turk.
Por nuk kane munguar urimet për fitoren. I pari ka qene Presidenti i Azerbajxhanit Ilham Alijev i cili ka uruar presidentin Rexhep Tajip Erdoan për rezultatet e referendumit me një telefonatë shkruan “Hyrriet”. (M.D/ Shuplaka)
