Presidenti turk Rexhep Tajip Erdogan do të vizitojë Mbretërinë e Bashkuar më 15 maj, duke u takuar me Kryeministrin Theresa Maj.
Vizita vjen mes fushatës përpara zgjedhjeve të parakohshme presidenciale dhe parlamentare që do të zhvillohen më 24 qershor dhe ishte planifikuar përpara se Erdogani të vendoste të bënte zgjedhjet një vit e gjysmë përpara afatit.
Një vizitë tre-ditore në Londër që nis të dielën në një kohë të përshtatshme për Erdogan ku do të kërkojë mbështetje për tu rizgjedhur në zgjedhjet presidenciale të 24 qershorit.
Vizita ngjall debate, pasi Erdogan po përballet me akuza në rritje për autoritarizëm.
Marrëveshja për të pritur zotin Erdogan në mes të një fushate zgjedhore shihet si një shenjë e angazhimit të Britanisë ndaj presidentit turk. “Është një nder i madh që ta pres atë në kryeqytetin tonë”, tha të premten ambasadori i Britanisë në Turqi, Dominick Chilcott.
Reputacioni i zotit Erdoganit është dëmtuar gjithnjë e më shumë për shkak të të dhënave të këqija të Turqisë në fushën e të drejtave e njeriut.
Grupet e të drejtave të njeriut e cilësojnë Turqinë si burgun më të keq në botë për gazetarët, me më shumë se 100 gazetarë të burgosur, përfshirë me dhjetëra mijëra persona të tjerë të burgosur, me vendosjen e masave të emergjencës pas grushtit të dështuar të vitit 2016.
Parashikohet që zoti Erdogan të mos përballet me kritika publike nga mikëpritësit e tij britanikë dhe sipas diplomatëve britanikë shqetësimet lidhur me të drejtat e njeriut trajtohen më mirë privatisht.
Mbretëria e Bashkuar, në të kundërt, ishte një nga vendet e para që flisnin kundër kryengritjes. Që atëherë, Britania është bërë nga aleatët më të afërt perëndimorë të Turqisë, ndërsa Erdogan është përballur me kritika të ashpra nga udhëheqësit e BE dhe Uashingtoni lidhur me reagimin e tij ndaj përpjekjes së grushtit të shtetit.
Diplomatët britanikë thonë se zyrtarët dhe ministrat në Mbretërinë e Bashkuar ngrenë rregullisht shqetësime rreth të drejtave të njeriut dhe sundimit të ligjit me Turqinë, por e bëjnë këtë në mënyrë private. (B.H/Faxweb)
