Siria dhe Rusia shpallën sot një armëpushim ndaj forcave rebele. Pas kësaj, presidenti i Turqisë, Recep Tayyip Erdogan e cilësoi marrëveshjen globale të armëpushimit në Siri, si një mundësi historike për t’i dhënë fund konfliktit.
“Duhet që me çdo kusht të mos humbasë kjo mundësi, pasi është një mundësi historike”, deklaroi presidenti turk gjatë një konference për shtyp.
Gjatë këtyre dy javëve Turqia dhe Rusia kanë qenë të angazhuara në negociata intensive. Këto dy vende ndërmjetësuan një marrëveshje armëpushimi dhe evakuimin e refugjatëve nga lagjet e bllokuara në qytetin sirian të Alepos. Marrëveshja e negociuar pritet të hyjë në fuqi sot në mesnatë. (D.D/Shuplaka)
Discussion about this post