Presidenti turk, Recep Tayyip Erdogan ka shpallur fitoren në referendumin historik për ndryshimin e sistemit që u mbajt sot në Turqi.
“Anadolu Agency” raporton se liderë të shumtë botërorë e kanë telefonuar Erdoganin për ta uruar për fitoren.
Agjencia shtetërore e lajmeve “Anadolu Agency” thotë se pas numërimit të 98.82% të votave, 51.34% kanë votuar pro ndryshimeve kushtetuese, ndërsa 48.66 kanë votuar kundër.
Prtia opozitare CHP shprehet se janë rreth 2.5 milionë vota me probleme dhe bëri thirrje për vigjilencë duke paralajmëruar se “asgjë nuk ka përfunduar”.
18 ndryshime kushtetuese do të konvertojnë sistemin qeverisës të Turqisë, nga parlamentar në presidencial. Zyra e kryeministrit do të shfuqizohet dhe kompetencat ekzekutive do të kalojnë në dorë të presidentit.
Ndryshimet e propozuara në referendum do t’i japin te drejtën presidentit të emërojë ministrat dhe zyrtaret e lartë të qeverisë si dhe gjysmën e anëtarëve të organizmave më të lartë të drejtësisë në Turqi. Presidenti do të ketë gjithashtu të drejtë të shpallë dekrete dhe të deklarojë gjendje emergjence.
(M.D/ Shuplaka)
