2017-ta ka nisur dhe vazhdon konflikt pas konflikti mes Gjermanisë dhe Turqisë. Pas përgjigjes së ashpër të kancelares Angela Merkel, e cila paralajmëroi publikisht presidentin turk Rexhep Taip Erdogan që t’i japë fund krahasimeve me nazistët, ky i fundit ka reaguar sërish.
Duke folur për referendumin e 16 prillit, Ergonan u shpreh se pas kësaj date do të rishikojë marrëdhëniet me Europën.
“Kjo Evropë, si e para Luftës së Dytë Botërore, është raciste, fashiste dhe mizore.. një Evropë anti-islam dhe anti-Turqi”, deklaroi Ergogan në Ankara.
Më tutje Erdogan shprehet se Europa nuk mund të kërcënojë Turqinë.
“Nuk mund të na kërcënojnë me procesin e anëtarësimit. Në Turqi asnjë europian nuk do të veprojë si agjent”, është shprehur ai.
Marrëdhëniet midis Turqisë dhe Europës janë tensionuar së tepërmi, qëkur Gjermania dhe Hollanda ndaluan tubimet turke, lidhur me referendumin e 16 prillit ku pritet përforcimi i pozitës dhe kopetencave të Ergogan. (D.D/Shuplaka)
