Presidenti turk, Recep Tayyip Erdogan, u ka bërë thirrje votuesve turq në Gjermani që të mos i votojnë disa parti, përfshirë edhe partinë Kristian-Demokrate te Merkel. Erdogan tha se këto parti janë armiq të Turqisë.
“Po ju bëj thirrje të gjithë bashkëvendasve të mi në Gjermani, Kristian- Demokratët, SDP, Partia e Gjelbër, të gjithë janë armiq të Turqisë. Mbështetni partitë politike që nuk janë armike të Turqisë”, ka thënë ndër të tjera Erdogan.
“Unë u bëj thirrje atyre të mos votojnë për ato parti që kanë qenë të angazhuar në qëndrime të tilla agresive dhe pa respekt ndaj Turqisë dhe unë i ftoj ata të japin një mësim për ato parti politike në kutinë e votimit”, tha ai.
Gjermania ka një diasporë të madhe turke dhe përmban një gamë të gjerë opinionesh mbi politikën turke. (B.H/Shuplaka)
