Skuadra e Skënderbeut po përgatitet fuqishëm për në merkato dhe synon që t’i realizojë përforcimet para nisjes për në fazën përgatitore. Ndryshimi më i madh që mund të cilësohet është ajo e Ergys Kaçes. Kaçe pritet që të prezantohet me fanellën e korçarëve më 2 janar të vitit të ardhshëm.
Mesfushori i Kombëtares së Shqipërisë do të vijë në formë huazimi nga klubi i PAOK-ut dhe pritet të zgjidhë problemet që ka pasur ekipi në mesin e fushës. Ky vendim ka ardhur pas largimit nga Plzeni. 23 vjeçari ka pranuar që pjesën e mbetur të edicionit ta luajë në qytetin e tij të lindjes, në Korçë, ku do synojë që të ndihmojë kampionët në garën për të fituar sërish titullin. Akordi mes palëve është arritur, ndërsa në ditët e para të vitit 2017 do të ketë edhe zyrtarizimin, shkruan një portal online. (J.V/Shuplaka)
Discussion about this post