Avokatja e Popullit Erinda Ballanca nisi sot zyrtarisht detyrën pranë institucionit të Avokatit të Popullit.
Paraardhësi i saj, Igli Totozani, në një ceremoni mirëseardhjeje i bëri prezantimin me stafin e institucionit dhe i kaloi detyrën zonjës Ballanca.
Në fjalën përshendetëse mbajtur para stafit Avokatja e Popullit u shpreh: “Ndihem e privilegjuar që do drejtoj këtë institucion dhe angazhohem të mbroj me përkushtim Liritë dhe të Drejtat eNjeriut në Shqipëri. Dy paraardhësit e mi, Dobjani dhe Totozani kanë kontribuar për themelimin dhe ngritjen e institucionit të Avokatit të Popullit, ndaj edhe unë do të vazhdoj përpjekjet që ky institucion, të jetë i fortë dhe i pavarur”. (J.V/Shuplaka)
