Deputeti i Partisë Socialiste Erion Braçe i cili njihet si tifoz i Partizani ka reaguar ashpër ndaj Federatës Shqiptare të futbollit, pas dy ndeshjeve të të luajtura mbrëmë mes Flamurtarit dhe Partizanit dhe Korabit me Kukësin.
Sipas Braçes skuadra Kuksiane është favorizur dukshëm nga arbitri, ndërkohë që Partizanit i është mohuar një penallti. Ai ka publikuar dy foto në rrjetet sociale nga secila ndeshje ku sipas tij vërehet dukshëm animi i federatës në favor të Kukësit.
Reagimi i plotë i Braçes
Urdhëroni; KY ËSHTË KRIMI I SOTËM I SISTEMIT KRIMINAL QË KONTROLLON FUTBOLLIN NË SHQIPËRI! Të dyja ndeshjet e një gare, Kukësi-Korabi dhe Flamurtari-Partizani, u paravendosen nga gjyqtarët e caktuar nga Federata Shqiptare e Futbollit. Shihini fotot; Në të parën është penalltia dhënë Kukësit sot, topi as që prek duar por bythën e lojtarit të Korabit; ky është një zhvillim krijues i çdo rregulloreje të futbollit! Në të dytën e të tretën është penalltia që iu mohua Partizanit; Ekuban shqyhet prej bluze, mbahet prej saj, pengohet me këmbë dhe nuk i jepet penallti! Tani krahasojini këto penallti; Atë që i është dhënë Kukësit dhe atë që i është mohuar Partizanit. Ja bëjnë muuuuuuu! Këto nuk janë kurrë gabime njerëzore! KY ËSHTË URDHËR! Urdhër për të gjykuar dhe vendosur kështu! Urdhër për të ndëshkuar Partizanin! Pas “kërcënimit” të “Të Madhit” ndaj gjyqtarëve, i vetmi që e jep këtë urdhër është ai “I Madhi” i Federatës! Ka vrarë përfundimisht garën në tre javët e fundit, në një krim të përsëritur ndaj futbollit shqiptar, në mënyrën më të hapur të mundshme, të qëllimtë dhe duke paracaktuar fituesit dhe humbësit! Si çdo vit në shtatë vitet e fundit! Tani është luftë ndaj luftë do ketë! E kërkoi vetë dhe do e marrë! Duhet shembur sistemi i Federatës dhe kjo do të ndodhë, njëherë e përgjithmonë e pa kthim. Më mirë të mos luhet futboll se sa me futbollin të mashtrohet një komb i tërë, të bëhet krim duke vrarë pasionin e çdo futbollisti sot dhe ëndrrat e çdo fëmije nesër! (B.H/Shuplaka)
Discussion about this post