Erion Isufi, kunati i Lulzim Bashës padit për shpifje ndërtuesin që e akuzoi për gjobëvënie te ish-Parku i Autobusëve

Kunati  Bashës, Erion Isufi ka paditur në gjykatën e Tiranës ndërtuesin Armand Lilo për shpifje.

Padia vjen pasi ndërtuesi Armand Lilo akuzoi Bashën se e kishte dërguar kunatin e tij(Erion Isufin) tek ai për të marrë pjesë të truallit të Bashkisë në formë gjobe.

“Ne 2013, Bashkia e asaj kohe na dergoi Kunatin per t’i “falur” nje pjese te konsiderueshme te ndertimit. Ne e refuzuam kete pasi ishte nje “gjobe” per te lejuar dicka qe vete Plani 2013 e lejonte. Kur ne refuzuam gjoben e Kunatit, z. Basha beri nje teater duke e quajtur “lulishte” pronen tone private si hakmarrje qe nuk i falem gjysmen e biznesit”, shkruante Lilo.

Ky konflikt ka ardhur pas debatit që ka hapur ditëve të fundit prishja e lulishtes tek ish-Parku i Autobuzëve për të ndërtuar pallate. 

Sipas Armando Lilës plani për ndërtimin tek ajo zonë është miratuar në 2013 kur kryetar i Bashkisë ka qenë Lulzim Basha.

Erion Isufi kërkon dëmshpërblim në masën 1.000.000 lekë, përgënjeshtrim të lajmit nga Lilo dhe fshirjen e lajmit nga të gjitha portalet mediatike online në të cilat është botuar lajmi.

(B.H/Shuplaka)