Ditën e djeshme një ngjarje që ndodhi në çerdhen 14 në kryeqytet, u tentua deri në fund të kalohej në heshtje nga ana e Bashkisë së Tiranës, edhe pse fillimisht u raportua për rrjedhje gazi, dhe flakë.
Deklarime këto që u mohuan nga ana e drejtoreshës së çerdhes, si dhe punonjësve të zjarrfikësve, edhe pëse pamjet e publikuara në media, tregonin për shkatërrimin e një muri.
Po duket se puna e mirë e mbulimit të ngjarjes nga ana e Bashkisë së Tiranës, ka ‘’prekur’’ dhe ish-ministrin Ylli Manjani, i cili ka fshirë reagimin e tij për këtë ngjarje, pasi është sqaruar në një telefonatë nga ana e Erion Veliajt.
“Kryetari i Bashkisë reagoi menjëherë pas statusit tim, për lajmin e shpërthimit të bombulës. Më sqaroi se çerdhet nuk kanë bombula dhe se ai shpërthim ka ndodhur në një godinë tjetër ngjitur me çerdhen. Ne këto kushte, konsiderova të arsyeshme të fshi statusin e mëparshëm, sepse nuk mund ti lejoj vetes të komentoj mbi ngjarje të pa vërteta! Mendimi kritik mbetet, por gjithnje i bazur në fakte!”, shkruan Manjani, reagim që ka nxitur jo pak komente.
Një prej tyre është dhe ai i aktorit Julian Deda, i cili shprehet se Veliaj nuk e ka problem që të mashtrojë dhe në privat, duke iu referuar sqarimit të Manjanit.
Ndërkohë po sot ish-ministri iu është rikthyer kritikave, duke postuar një foto të vjetër të Tiranës, që tashmë është betonizuar dhe është shumë larg nga pamja e dikurshme.
(E.K/FAXWEB.AL)
