Sot bëhen dy vjet nga 21 qershori 2015, datë kur Erion Veliaj mori mandatin si kryetar bashkie i Tiranës. Në këtë 2-vjetor të zgjedhjes kryebashkiak, ai ka përuar parkimin e dytë nëntokësor publik në Bulevardin e Ri.
Së bashku me deputetin e PS-së, Ervin Bushati, ata inspektuan sot ambientet e parkimit nëntokësor të ndërtuar në Bulevardin e Ri të Tiranës, i cili ka një kapacitet prej 328 vendesh dhe nga sot është në shërbim të qytetarëve.
Në fjalën e tij, Veliaj bëri të ditur se ky investim përveçse do të ndihmojë në zgjidhjen e çështjes së parkimit për shumë qytetarë, do të lehtësojë edhe trafikun e makinave që vështirësohet shpesh herë prej parkimeve të gabuara nëpër rrugë.
“Parkingu i ri nëntokësor ka 328 vende parkimi, do të thotë që zgjidh të gjithë ngërçin e zonës së ish Stacionit të Trenit. Këtu ka shumë institucione shtetërore, është pranë hipotekave, pranë burgut, pranë disa gjykatave, është pranë një pjesë të institucioneve universitare, pranë maternitetit, pra ka shumë institucione të cilat kanë nevojë për parkim. Parkimi këtu është shumë afër, madje për ata që parkojnë me orë të zgjatura u bie më lirë të parkojnë nëntokë sesa në rrugë, ku edhe makina është gjithë ditën në diell apo edhe elementet e sigurisë janë më të pakta”, u shpreh Veliaj.
(XH.A/SHUPLAKA)
[ngg_images source=”galleries” container_ids=”2204″ display_type=”photocrati-nextgen_basic_imagebrowser” ajax_pagination=”1″ order_by=”sortorder” order_direction=”ASC” returns=”included” maximum_entity_count=”500″]
