Kryetari i Bashkisë së Tiranës, Erion Veliaj do të jetë i ftuari i rradhës në ‘’Opinion”. Përveç publicitetit të tij në krye të Bashkisë që Veliaj di ta bëjë fare mirë, ajo që pritet me kërshëri është fakti nëse do të flasë për situatën e banorëve në Shkozë.
Edhe pse gjen kohë që të postojë disa herë në ditë edhe për një kosh të vendosur në rrugët e kryeqytetit, Veliaj në gjithë këto ditë nuk ka thënë asnjë fjalë për situatën e 153 familjeve që do të mbesin në qiell të hapur.
Ndoshta ka vendosur të flasë… po vështirë se do të japë një zgjidhje të përshtatshme për banorët. Ka dy ditë që fadromat e IKMT-së kanë nisur punën për shëmbjen e banesave, ndërkohë që deputetja e zonës Elona Gjebrea iu kishte premtuar diçka krejt tjetër.
‘’Na vuri në gjumë”, thonë banorët për deputeten. Tani pyetja që lind është ku e bëjnë gjumin banorët e mbetur pa çati. Askush nuk ishte kundër projektit po kjo jo e bërë në kurriz të jetës së tyre.
(E.K/SHUPLAKA)
Discussion about this post