Këngëtarja e njohur, Rezarta Shkurta, është bërë së fundmi pjesë e një kamere të fshehtë. Ajo do të jetë e ftuara e parë e këtij sezoni në emisionin “Thumb On”, e stafi ka menduar që t’i bëjë një shaka.
Shkurta ka publikuar në profilin e saj në “Instagram” videon promo të emisionit, ku shfaqet e kapur në një situatë aspak të këndshme: “tradhtia e bashkëshortit, Ermal Hoxha”.
Në videon në fjalë, Rezarta shfaqet teksa bisedon me një gazetar, i cili i thotë se ka disa foto të Ermalit së bashku me një tjetër femër dhe do t’i publikojë.
“Për sa mund të vish se dua të flasim çik. Hajde se po të pres. Ku ishe pardje ti? Ishe me Landin apo me Landën. Të kishin bërë foto. Ermal Hoxha s’je në rregull më duket. Të ka fluturuar tepeleku. Pra ti po shqetësohesh që të ruaj unë imazhin ***”, thotë Rezarta me tone të larta.
“Sot ta fut i joti! Nevrikosem ende kur e shoh edhe pse tashme e di qe eshte nje kamer e fshehte! Gazetarit me vone ja kam thyer dhembet, vazhdimin e shihni Te dielen ne oren 21:00”, shkruan Rezarta bashkëngjitur me videon.
