Ermal Mamaqi në mbrojtje të Linda Morinës: S’të lë njeri të tresësh gjelin, pulat, kecin, shqerrën dhe viçin rehat

Linda Morina ishte një prej të ftuarve të Ermal Mamaqit në emisionin e tij me rastin e festës së Vitit të Ri. Prania e saj në këtë emision duket se është ndjekur me kritika nga ndjekësit e këngëtarit, aktorit dhe humoristit Ermal Mamaqi, të cilët janë shprehur se Kosova nuk duhet të përfaqësohet me Linda Morinën.

Dhe referuar këtyre deklaratave, moderatori i “Xing me Ermalin” ka treguar se kishte ftuar disa personazhe kosovare që në momentin e fundit e anuluan pjesëmarrjen, ndërsa Linda Morina u tregua korrekte.

Ermal Mamaqi shkruan se mungesa e figurave kosovare në emision nuk është aq e frikshme sa mungesa e personazheve shqiptarë në emisionet kosovare, por kjo nuk keqkuptohet pasi dihen vështirësitë që has çdo emision.

“Po shoh që më keni shkruar shumë për pjesmarrjen e Linda në Morinës në Xing Xing 2017. Komente negative, madje ka edhe nga ata që thonë përse keni vendosur ta përfaqësoni Kosovën vetëm me Lindën. Sa për korrektësi dua të sqaroj që kisha ftuar shumë personazhe të skenës shqiptare kosovare, por në sekondë të fundit e anulluan të gjithë dhe vetëm Linda që ju e shani u tregua korrekte. Plus që Linda nuk ka vrarë njeri dhe as i ka vjedhur shtëpinë ndonjërit prej jush. Nqs Linda ka dhunuar ndonjërin prej jush, e dënoj ashpër këtë akt terrorist dhe e mohoj Lindën si të ftuar. Gjithsesi, nuk përfaqësohet një popull i tërë nga një njeri i vetëm, sejcili ka përgjegjësitë e veta. Është emision humori njerëz, qëllimi i të cilit është të shpërndajë vetëm pozitivitet. 
Mirëpo ankesat nuk mbarojnë me kaq. S’të le njeri ta tresësh gjelin dhe pulat dhe kecin dhe shqerrën dhe mishin e viçit rehat. Ankesa nr 2 është për mungesën e figurave shqiptare të Kosovës në emisionet shqiptare. E anasjellta është më e frikshme në fakt, por nuk shqetësohemi sepse i njohim vështirësitë që ka çdo emsion, si dhe angazhimet që ka çdo njeri i skenës dhe nuk është e thjeshtë vajtje-ardhja. 
Gëzuar dhe një Vit të Ri sa më të ri. Gëzuar edhe ti Fifi që je shqiptare e Kosovës.”, shkruan Ermal Mamaqi. (XH.A/SHUPLAKA)