Këngëtari i njohur me origjinë shqiptare Ermala Meta, ditën e djeshme ka mbërritur në Tiranë, ku dhe sot në 1 qershor do të mbajë një koncert në Sheshin Skënderbe.
Përpara performancës së tij Ermali ka zhvilluar një konferencë për mediat, ku dhe ka rrëfyer më shumë gjëra për jetën e tij private dhe për famën që ka fituar në Itali.
Por siç tregoi dhe këngëtari jeta e tij nuk ka qenë kaq e thjesht, pasi rruga drejt famës ka qenë e mbushur plotë me vështirësi.
“Kur isha në Itali, si gjithë emigrantët e tjerë, në moshën 14 vjeç, shisja gazeta tek semaforët, por ato gazetat nuk i shtypnin dhe aq mirë se kushtonin pak. Nuk e kisha kuptuar dhe kur më lageshin duart nga djersa, prekja fytyrën dhe bëhesha sterr i zi. Kur shkoja në shtëpi mamaja gjithmonë më pyeste, “ku ke qenë?”. Unë i thosha që isha në punë, por thoshte që nuk më besonte. Kam bërë shumë punë. Kamarier, raprezentant, barist. Kam ngritur shumë pjata, kam bërë shumë stërvitje.”, tregoi Meta.
Ndër të tjera këngëtari ka rrëfyer se pavarësisht vështirësive që ka hasur në jetën e tij kurrë nuk hoqi dorë nga muzika
“Duart i kisha atje në punë, por mendja ishte në vend tjetër. Çfarëdolloj eksperience pune që kisha, mendja shkonte te muzika. Çdo njeri që takoja ishte një histori. Secili i ka historitë brenda, mund t’ia lexosh pak në sy, por jo gjithmonë. Kështu që pjesën tjetër e shpikja dhe pastaj e shkruaja. Shkoja në shtëpi e shkruaja këngë, e ndjeja urgjencën e krijimtarisë. Fillimisht kisha më shumë me pasion pianon sesa kitarën. Kur theva këmbën në basketboll, i thash një shoku të më sillte një kitare, ta mësoj. Aty zbulova një botë tjetër”, u shpreh Ermal Meta.
(M.Q/Faxweb)
Discussion about this post