Deputeti i Partisë Socialiste Ervin Bushati në një inteviste ‘skype’ për Fax News foli për masat e ndërmarra nga qeveria dhe hapjen graduale të ekonomisë pas mbylljes nga pandemia e COVID-19.
Bushati u shpreh se ringritjen e ekonomisë e shikon në tre hapa, ku shtoi se funksionimi i ekonomisë në të ardhmen ka të bëjë me rigjetjen e një zgjidhje në sinkron me ekonomitë e vendeve të rajonit dhe globale, që t’ja dalim dhe të kemi rritjen ekonomike që kishim para se të fillonte pandemia.
“Mendoj se kemi bërë më të mirën për përballimin e kësaj pandemie. Shqipëria ndonëse nuk ka ekonimë apo shëndetësisë si të vendeve të zhvilluara, si Italia apo Spanja, pati mundësinë të pararendte pandeminë dhe të kishte shifra shumë të ulta tragjedie njerzore. Kjo bën që besimit tek masat janë efikase. Dhe ekonomia dhe biznesi mund të përfitojnë nga hapja që munë të bëhet me gradualisht. Hapja është në dorën tonë. Sa më mirë ti zbatojmë masat që janë marrë, të ruhen masat e distancës sociale që janë marrë, të ruhen masat e higjenës, të mos e çojnë dëm qytetarët një fitore të kësaj beteje të parë.
Unë e shikoj me tre hapa ringritjen e ekonomisë: Ndalimin e përhapjes së virusit në fazën e parë dhe mendoj se këtë betejë e kemi fituar. Po ashtu sot jemi në një gjendje të analizojmë si do të funksionojë ekonomia, si do të ringrihet.
Pjesa tjetër që do të funksionojë në të ardhmen ka të bëjë me rigjetjen e një zgjidhje në sinkron me ekonomitë e vendeve të rajonit dhe globale, që t’ja dalim dhe të kemi rritjen ekonomike që kishim para se të fillonte pandemia.
Nuk do të jetë e lehtë, por të jemi të bashkuar si shoqëri do t’ja dalim.
Shoqëria shqiptare nuk ka pasur një sfidë të tillë, siç ishte tërmeti dhe pandemia brenda 4 muajsh por bashkë me masat e shpejta dhe efikase, arritëm që të bllokojmë të jemi në një gjendje të funksionojë, kjo tregon që masat kan qenë efikase dhe në kohën e duhur.”- tha Bushati.
Discussion about this post