“Është e tepërt të më kërkoni mua…”, Meta nxjerr foton në Komision: S’ka më si njëherë e një kohë!

Presidenti Ilir Meta ka nxjerrë një foto të vjetër, të 30 viteve më parë, ku shfaqeshin studentët e dhjetorit, duke i kërkuar Ramiz Alisë mbajtjen e zgjedhjeve të lira.

Në foto shfaqej dhe vetë Meta, i cili tha se e ndjente veten me fat që ishte pjesë e kësaj ngjarje historike.

Dhe për këtë shkak tha presidenti, do të ishte e tepërt që ti kërkoje atij rikthimin e zgjedhjeve ‘’si  njëherë dhe një kohë”, me vetëm një kandidat, ku qytetarët nuk kishin të drejtë zgjedhjeje.

“Është e tepërt që ti kërkosh një studenti të dhjetorit që të krijosh precedent të ri, të zgjedhjeve pa kandidat”, u shpreh Meta.

Gjatë mbledhjes të Komisionit të sotëm, Meta u shpreh se vendimi për shtryrjen e zgjedhjeve është marrë për të garantuar sigurinë e qytetarëve shqiptarë, si dhe  për të mos iu mohuar shqiptarëve të drejtën  për të pasur zgjedhje pluraliste.

(E.K/Faxweb.al)