Kreu i grupit parlamentar të PS-së, deputeti Taulant Balla, pas përballjes me Shkëlzen Berishën në seancën e sotme gjyqësore, i ka bërë thirrje Prokurorisë së Tiranës që mos përdorë makinacione për të pushuar çështjen në ngarkim të tij, Sali Berishës dhe Ndue Kalaj për privatizimin e OSSH.
Në një prononcim për mediat, Balla ka thënë se do ti shkojnë deri në fund kësaj çështje.
“Ne nuk jemi të gjithë njësoj, kush mendon se kemi hequr dorë nga akuzat për korrupsionin e qeverisë së Sali Berishës e ka gabim. I kërkoj prokurorisë dhe gjykatës që të mos pushojë çështjen ndaj Sali Berishës, Ndue Kalajt dhe personave të tjerë. Unë i qendroj akuzës se qytetarët shqiptarë kanë humbur 419 milionë euro nga kalimi i OST-së. Dua ta përdor këtë moment për ti bërë thirrje prokurorisë që të vijojë me hetimet. Është e turpshme që derimë sot, nuk mund të na thotë prokuroria se nuk mund të gjej dot Ndue Kalaj. Ky person ka tërhequr 6.8 milionë euro si pagesë komisioni. Ne nuk jemi si ata, do ti shkojmë në fund çdo çështjeje.
Nga ana tjetër Shkëlzen Berisha u shpreh se Balla nuk dha në gjyq asnjë provë, ndërkohë që sipas tij tetoi që ta çojë vëmendjen tek komisioni paralmentar që drejtonte.
“Taulanti doli me tezën se ishte urdhër i partisë, nuk dha asnjë provë. Tentoi të çonte vëmendjen tek komisioni parlamentar që drejtonte. Ironia është që akuzonte për udhëtime, ndërkohë që unë s’kam asnjë lidhje me ata persona, dhe kurrë nuk e provuan dot. Ironia është se në këtë kohë, Balla udhëtonte me Begon që merrte tendera nga shteti dhe përfitoi 6 milionë euro nga shteti. I dyshuari i ka marrë pa patur për të drejtë. Duhet të hetohet nga prokuroria. Shpresoj të vihet drejtësia në vend dhe Balla të dënohet.”- u shpreh Shkëlzen Berisha para gazetarëve.
Seanca
Në Gjykatën e Tiranës u zhvillua seanca e radhës për shqyrtimin e padisë së ngritur nga Shkëlzen Berisha, ndaj Taulant Ballës, në lidhje me deklarimet e këtij të fundit se Berisha nuk ka paguar taksat. Gjatë ditës së sotme, u bënë parashtrimet e të dyja palëve, ky mbrojtja e Berishës pretendoi se deklarimet e Ballës, janë shpifje dhe me qëllim prishjen e imazhit të tij. Ndërkohë, Balla pretendoi se deklarimet e tij lidhen me dyshimet e krijuara pas hetimit të kryer nga Komisioni Hetimor, në cilësinë e drejtuesit të këtij komisioni. Balla vazhdoi me tej, duke thënë se i qëndronte këtyre deklarimeve. Gjatë seancës pati edhe akuza politike mes njëri-tjetrit. Berisha u shpreh për Ballën, se kishte standard të ulët moral, ndërsa i kujtoi akuzat për udhëtime me trafikant droge.
Discussion about this post