Ministria e Financave vijon me kallzime për drejtorë të lartë në qarqe. Ministria ka urdhëruar hetim penal për Albert Halilaj, Drejtori i Tatimeve në Kukës. Ai akuzohet për përfshirje të drejtpërdrejtë në fushatë.
Ministria sqaron se ka njoftuar Prokurorinë e Kukësit për rastin e Halilajt.
Ditët e fundit ka pasur dhjetra zyrtarë të shkarkuar në të gjithë vendin për përfshirje aktive në fushatën e Partive Politike.
NJOFTIMI
Nisur nga informacionet, Halilaj, rezulton të jetë përfshirë në mënyrë të drejtpërdrejtë në fushatë elektorale, në kundërshtim flagrant me ligjet në fuqi si dhe me VKM nr. 473, dt. 01.06.2017.
Nisur nga ky rast, Ministria e Financave kërkon nga të gjithë punonjësit e institucioneve të varësisë qe të zbatojnë me përpikmëri detyrat funksionale në perputhje me legjislacionin në fuqi.
Ministria e Financave përfiton nga rasti t’ju bëjë thirrje qytetarëve që të denoncojnë rastet e evidentuara nga ana e tyre të përfshirjes së punonjësve të administratës në varësi të kësaj ministrie ne aktivitetet partiake. Ata jane të lutur që të na shkruajnë ose të na dërgojnë foto apo filmime në numrin 0676054545. (Whatsapp, Viber). (E.K/SHUPLAKA)
Discussion about this post