Mbretëresha Elizabeth sot bëri një njoftim historik se Princi Harry dhe Meghan Markle do të tërhiqen nga familja mbretërore dhe se do ta ndajnë kohën e tyre midis Kanadasë dhe Britanisë së Madhe. Madhëria e saj e bën të qartë zhgënjimin e saj të thellë për vendimin e çiftit për të lënë detyrat e tyre mbretërore.
Sipas njoftimit të nisur për shtyp, kjo është një zgjidhje e përkohshme. Reagimi i parë i Mbretëreshës erdhi pas një takimi në Sandringham midis saj dhe princave Charles, William dhe Harry.
“Sot familja ime kishte diskutime shumë konstruktive për të ardhmen e nipit tim dhe familjes së tij. Familja ime dhe unë jemi plotësisht mbështetës të dëshirës së Harry dhe Meghan për të krijuar një jetë të re si një familje e re.
Megjithëse do të preferonim që ata të mbeten anëtarë pune me kohë të plotë të Familjes Mbretërore, ne e respektojmë dhe e kuptojmë dëshirën e tyre për të jetuar një jetë më të pavarur si familje, ndërsa mbetet një pjesë e vlerësuar e familjes time. Harry dhe Meghan kanë bërë të qartë se ata nuk dëshirojnë të mbështeten në fondet publike në jetën e tyre të re.
Prandaj është rënë dakord që do të ketë një periudhë tranzicioni ku ata do të kalojnë kohën në Kanada dhe në Britaninë e Madhe. Këto janë çështje komplekse dhe ka edhe shumë punë për të bërë, por unë kam kërkuar që vendimet përfundimtare të arrihen në ditët në vijim”, thuhet në reagimin e Mbretëreshës.
Discussion about this post