Ministrat e rinj të emëruar nga kryeministri Edi Rama disa ditë më parë, janë përfolur në opinionin publik si njerëz të besuar dhe të bindur ndaj tij, ndërkohë që nuk kanë integritet politik.
Një ndër to është dhe zëvendësuesi i Ditmir Bushatit, Gent Cakaj i cili është ministri i ri i Jashtëm, ndërkohë që fillimisht ka qenë këshilltar i kryeministrit për politikën e Jashtme.
Për këtë gazetari Mentor Kikia me anë të një postimi në rrjetet sociale shkruan se presidenti Ilir Meta duhet të verifikojë dhe të mendojë seriozisht mbi sigurisë kombëtare duke mos e dekretuar ministrin e Jashtëm.
Postimi i plotë
A duhet ta dekretojë presidenti Meta ministrin e Jashtëm
Jo sepse është shumë i ri dhe nuk mund të ulet përballë diplomatëve me thinja të Athinës apo Brukselit për negociata!
Jo sepse nuk di mirë shqip dhe anglisht!
Jo sepse është kosovar dhe ka vetëm një vit nënshetas shqiptar!
Por sepse ka një arsye më të madhe: Ai është vënë aty, pa asnjë meritë personale dhe pa asnjë CV profesionale në fushën e diplomacisë. Por është katapultuar nga një këshilltar i Ramës, që në fakt është sekseri që bën tregti politike dhe artikujsh ushqimore, në itinerarin Serbi-Kosovë dhe Serbi-Shqipëri.
Dhe, në këtë rast Ilir Meta, duhet të verifikojë dhe mendohet seriozisht mbi sigurisë kombëtare. Jo për mistrecllëk politik, siç bëri në rastin e Sandër Lleshit, por kësaj radhe për një detyrim vërtet madhor kushtetues.
(M.Q/Faxweb.al)
